Ne e dimë se sa shumë nevojë kemi për prezencën e Jezusin në Shqipëri dhe ndërhyrjen e Tij në këtë kohë të vështirë për kombin tonë. Ne e dimë gjithashtu, që nëse kërkojmë Zotin në lutje dhe me vajtime, Ai vjen dhe na shpëton. Është vërtet koha të lutemi dhe të kërkojmë Zotin me agjërim dhe lutje. “Në qoftë se populli im, i cili thirret me emrin Tim, përulet, lutet, kërkon fytyrën Time dhe kthehet prapa nga rrugët e këqija, Unë do ta dëgjoj nga qielli, do t’i fal mëkatin e tij dhe do ta shëroj vendin e tij.” (2 Kronikave 7:14)
Ju bëjmë thirrje për t’u bashkuar në dy mënyra për t’u përulur dhe të thërrasim Perëndinë së bashku!
1. Nëse keni grupe lutje/adhurim në kishat tuaja apo njerëz që kanë zemër për lutje dhe adhurim, ju inkurajojmë të bëheni pjesë ntek Shtëpia e Lutjes, që është hapur në Tiranë 24/7. Le të ngremë duart në lutje dhe adhurim për kombin tani më shumë sesa çdo herë tjetër. Le të mbulojmë të gjitha orët në lutje dhe adhurim në unitet në një altar lutje si një shenjë uniteti dhe përulje së bashku!! “Dhe Moisiu i tha Jozueut: “Zgjidh për ne disa burra dhe dil për të luftuar kundër Amalekut; nesër do të jem në majë të kodrës me shkopin e Perëndisë në dorë”. Jozueu bëri ashtu siç i kishte thënë Moisiu dhe luftoi kundër Amalekut, ndërsa Moisiu, Aaroni dhe Huri u ngjitën në majë të kodrës. Dhe ndodhi që, kur Moisiu ngrinte dorën e tij, Izraeli fitonte; përkundrazi, kur e ulte dorën, fitonte Amaleku. Por duart e Moisiut ishin rënduar, kështu që ata morën një gur dhe ia vunë poshtë, ai u ul mbi të ndërsa Aaroni dhe Huri ia mbanin duart, njëri nga një krah, tjetri nga krahu tjetër; kështu duart e tij mbetën të palëvizura deri në perëndimin e diellit.” (Eksodi 17:9-12)
2. Ju bëjmë thirrje gjithashtu dhe për një agjërim të përbashkët 3 ditor, këtë fundjavë! Si kombi Shqiptar të përulemi vërtet së bashku dhe të kërkojmë JEZUSIN të vijë!!! Kudo që të jeni në punë, shtëpi apo duke shërbyer me njerëzit, më datën 6 Dhjetor në 12:01 të mëngjesit deri më datën 8 Dhjetor në orën 18:00 mbasdite, le të agjërojmë për kombin tonë së bashku!! Le të mos hamë ushqime, por të pimë lëngje/ujë për këto 3 ditë, ju lutemi.
“Shpirti im kujtohet gjithnjë për këtë dhe është i rrëzuar brenda meje. Këtë dua ta sjell në mëndje dhe prandaj dua të shpresoj. Éshtë një hir i Zotit që nuk jemi shkatërruar plotësisht, sepse mëshirat e tij nuk janë mbaruar plotësisht.” (Vajtimet 3:20-23)
Ju lutemi kontaktoni tek 0694092045 nese keni deshire te vini tek shtepia e lutjes per kombin ose tek 3030@lutje.org.
Vendodhja: Dhoma e lutjes ngjitur Kishes Nderkombetare.
Kur njerzit e Perendise punojne: punojne…POR kur njerzit e Perendise luten: Perendia punon!